ACHACHIARE, Observare, manus injicere, pacisci, a veteri Gall. Aghaiter vel Aguester, observer, arrêter, convenir. Charta Henrici Regis Anglic. ann. 1155. apud D. Brussel Tract. de usu feud. tom. 2. pag. 4 :

Si aliquis tenens de nobis feodum laicum moriatur et Vicecomes, vel alius Baillivus noster ondat literas nostras patentes de submonitione nostra de debito quod defunctus debuit nobis ; liceat Vicecomiti et Baillivo nostro Achachiare et abreviare catalla defuncti inventa in laico feodo ad valentiam illius debiti per visum legalium hominum.

Et pag. 6 :

Omnes mercatores.... habeant salvum exire et securum de Anglia, et venire in Angliam.... præterquam in tempore guerræ, et si sint de terra contra nos guerram habente. Et si tales inveniantur in terra nostra in principio guerræ, Achachientur sine dampno corporum vel rerum, donec sciatur a nobis vel capitali Justitiario nostro, quando mercatores terræ nostræ, qui tunc invenirentur in terra contra nos guerrante, salvi erunt : et si nostri salvi sint, et alii salvi sint in terra nostra.

Hæc dele omnino, ut pote male edita post Brussel ; legendum quippe est Atachiare, quod videsis infra suo loco.