« »
 
[]« Actuare » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 065a. http://ducange.enc.sorbonne.fr/ACTUARE
ACTUARE, Perficere, finire, terminare, exercere se, seu ut aiunt Philosophi, Ad Actum redigere. Hinc Goclenius in Lexico phil. pag. 285 :
Actuatum, ad perfectionem deductum, quod facultatem simul habet et exercet, ὄν τῇ ἐνεργείᾳ Aristoteli.
Vita S. Franciscæ tom. 2. Martii pag. 130. F :
Actuasti te juxta posse tuum ad habendam mentem puram.
Quam loquendi rationem detorsere aliqui etiam ad ædificia. Fundatio Collegii Tolos. Ord. Cisterc. ann. 1289. apud Marten. tom. 1. Anecd. col. 1212 :
Eis liceat Ecclesiam et oratorium construere et ædificare..... ita tamen quod caput Ecclesiæ prædictæ et oratorii Actuetur juxta carreriam.
Id est, terminetur juxta viam.
P. Carpentier, 1766.
◊ Acabar, eodem sensu, in Stat. barbit. Tolos. ann. 1457. ex Reg. 187. Chartoph. reg. ch. 49 :
Antro que ledit masip ou apprentiz aia be et degudement complit et Acabat son terme.
Lit. ann. 1422. tom. 2. Probat. Hist. Brit. col. 1118 :
Consideran que les triuves et sufrence de guerre de Bretainhe et nostres foren Acabades a la feste de sent Miqueu, etc. Actaber,
eadem notione, in Lit. remiss. ann. 1456. ex Reg. 189. ch. 114 :
Baille moi le poinhal, car je le Actaberai : voulant dire qu'il le acheveroit de murtrir.
© École des chartes.