ACTUARII 6, Glossarium mediae et infimae latinitatis, Du Cange et al.

« 6 actuarii » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 065b. http://ducange.enc.sorbonne.fr/ACTUARII3

6. ACTUARII, iidem qui Actores. Charta Ludovici III. Imp. in Tabulario Viennensis Ecclesiæ fol. 78 :

Innotuerunt quandam partem villæ quæ vocatur Fornis, in Comitatu Viennensi sitam, temporibus priscis a Religiosis Christianis Matris Ecclesiæ S. Mauricii Viennensium Urbi collatam, non longo tempore præterito, inter reliquarum subtractionem rerum injuste ob incuriam proprium Prælatorum ejusdem Ecclesiæ (et) Actuariorum fuisse sublata.

les Bénédictins de St. Maur, 1733–1736.

Actuarius Capituli. Compendiosa Beneficiorum expositio MS. folio 16. vers. :

Hanc (resignationem) publicare (debet) in Ecclesia, vel cimeterio, vel in Capitulo coram Notario Regio, aut Apostolico, aut Actuario Capituli, et duobus ad minus testibus.

P. Carpentier, 1766.

Actuarius Causæ, Actor, qui causam prosequitur. Stat. criminal. Saonæ cap. 5. pag. 6 :

Et si ejus maleficii, cujus arguitur (reus) corpore plectendus foret, servetur in carcerem ; si pecuniaria mulctandus aliave pœna, nihil ad corpus attingente, caveat idonee apud Actuarium causæ de stando juri, etc.

P. Carpentier, 1766.

Actuarius Curiæ, Scriba, Gall. Greffier, in iisdem Statutis cap. 13. pag. 13 :

Si quis maleficii, vel delicti, aut criminis accusatus fuerit,... is qui accusavit,... satisdet apud Actuarium curiæ magistratus de impensis accusato vel delato reficiendis, etc.

Actuarius limes, apud Agrimensores dictus ab actus latitudine, qui agrum per jugera discriminabat. Nam duo actus quadrati jugerum faciebant, cujus eadem erat latitudo cum unius actus longitudine. Vide Salmasium ad Solinum pag. 677. 678. et Forcellini Lex. in voce Actuarius, adj.

Actuarii pali, Hygino, qui defigebantur inter centenos vicinos pedes, sic dicti ab actus longitudine, qui per 120. pedes porrigebatur.