◊ Mamotrectus ad 41. Isaiæ :

Clavis i. Acutis. Acutum cuprinum

, dixit Vegetius lib. 3. de Re veterin. cap. 2. Innocentius Agrimensor, Acutum Cyprinum, pro clavo æreo, quem Cyprinum Clavum vocat Palladius. Pelagius libello 15. n. 48 :

Impossibile est navim fabricare sine Acutis.

Bonifacius Episcopus Atinensis in Sermone de SS. Nicandro, Marciano et Marco :

Clavos acutissimos in vertice beati cœperunt infigere Marci, idololatræ impiissimi in vertice ejus Acutos figebant, etc.

Vita S. Potiti Mart. n. 20 :

Et allatum Acutum jussit eum in capite usque deorsum in eum figi.

Occurrit ibi pluries. Vita ejusdem S. ex MS. Neapolitano, habet hoc loco,

clavum ferreum, clavum Acutum

. Utuntur præterea Macrobius et Isidorus lib. 19. cap. 33. Auctor versionis Italicæ lib. Petri Crescentii de agricultura pag. 62 :

Ma sane mandorli si ficca un' Aguto, si o pertugia in molti luoghi,

et pag. 275 :

Se i chiovi, o vero Aguti saranno d' oro.