« »
 
ADÆRARE 1, ADÆRARE 2, ADERARE.
[]« 1 adærare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 068c. http://ducange.enc.sorbonne.fr/ADAERARE1
1. ADÆRARE, Pretium addicere, ære estimare, ad æris pretium redigere, vulgo Adpretiare. Gloss. Lat. Gr. Adærat, ἑξαργυρίζεται, ἀποχαλϰίζει, Adæratio, ἐξαργυρισμός. Gloss. Lat. Gr. ἀπαργυρισμός, Adæratio, ἐξαργυρίζω, Adæro. Lex Burgund. addit. 2. § 6 :
Solidi qui a tempore Alarici Regis Adærati sunt.
Locus integer ita habet :
De monetis solidorum præcipimus custodire, ut omne aurum quodcunque pensaverit accipiatur, præter quatuor tantum monetas Valentiniani, Genavensis et Gothium, qui a tempore Alarici regis adærati sunt, et Ardaricanos
; unde paullo alia significatione vocem hic acceptam esse constat. ; et Lex Wisigoth. lib. 4. tit. 5. § 7 :
Post parentum obitum Adhæratione adhibita, etc.
Joan. Diaconus in Vita S. Gregorii M. PP. lib. 2. cap. 24 :
Cunctorum patrimoniorum prædiorumque reditus.... Adæravit.
Breviloq. :
Adærata prædia dicuntur, ex quibus æs proveniebat.
Adæratæ annonæ, in leg. 31. Cod. de Erogat. milit. annonæ, cum sc. annonæ in ære persolvuntur. Hinc Jac. Cujacio Adhærare idem est ac Albergare, quod scilicet Alberga quæ primum servitus erat fundo imposita v. g. hospitio excipiendi, nunc in ære solvatur. Vide Casaubonum ad Theophrasti Characteres pag. 332. et ad Sueton. Salmasium ad Pollionem pag. 338. et Jacobum Gothofredum ad leg. 28. Cod. Theod. de Erogat. milit. annonæ. Vox Aderato simili sensu frequens apud Lusitanos, teste Sa Rosa de Viterbo. Charta ann. 1068.
Acibio de ti pretio Aderato et definito quadraginta modios
. In aliis chartis ann. 1107. et 1108.
por preço aderato legitur
.
P. Carpentier, 1766.
◊ Nostris Adenerer, Merces seu rem quamlibet denariis commutare, rem venditam in denarios convertere. Ch. ann. 1332. in Chartul. S. Mart. Pontisar. fol. 28 :
Lesdiz vendeurs en ont sousmis et obligié,... tous leurs biens,... meubles et heritages presens et à venir à justicier, vendre, despendre et Adenerer à tel feur, etc.
Lit. ann. 1355. in vol. 4. Arest. parlam. Par. :
Jaquin de Paris sergent du chastelet et commissaire du roy pour vendre et Adenerer tous les biens meubles et immeubles,... escheus et acquis au roy, etc.
Aliæ ann. 1366. in Reg. 97. Chartoph. reg. ch. 545 :
Pour laquelle chose le bailli de Vitry a fait battre et Adenerer les blez dudit [] suppliant, crier et subaster ses heritages.
Charta denique ann. 1469. ex Chartul. Latiniac. fol. 184. v°. :
En possession et saisine de iceulx grains et prouffitz atribuer à leur usage et pour leur provision, ou les vendre et Adenerer et distribuer à aultruy à leur prouffit.
Adde Ordinat. reg. Franc. tom. 6. pag. 594. art. 13. Vide Denariata.
© École des chartes.
[]« 2 adærare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 069a. http://ducange.enc.sorbonne.fr/ADAERARE2
2. ADÆRARE. f. Ære munerare, stipendia decernere, Gall. Gager. Bulla Adriani I. PP. ann. 772. in Bullario Casinensi tom. 2. pag. 13 :
Et ecce obnixe nos, Religiosissimi Dei cultor, dinosceris proposcisse, ut ex nostri persona studuissemus Adærari, qui sine nostra inquietudine easdem vestras causas subtiliter perscrutare, vobisque justicias facere deberet.
Glossulæ in Cod. MS. Cluniac. tom. 2. Operum posthum. Mabill. pag. 23 : Adæravit, id est, ære muneravit.
© École des chartes.
[]« Aderare » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 075a. http://ducange.enc.sorbonne.fr/ADERARE
ADERARE, pro Adærare 1. quod vide, in Charta ann. 957. inter Probat. tom. 2. Hist. Occit. col. 99.
© École des chartes.