ADCOGNITARE, Accognitare, Notum vel cognitum facere. Glossar. Lat. Græc. Adcognoscit ἐπιγινώσϰει. Hincmarus Rem. opusc. 5. de Coercendis militum rapinis :

Quarum exemplar Dominationi vestræ transmitto, ut secrete eum teneatis, et ad aliquem diem jubeatis venire fideles vestros, dicentes quia eis Adcognitare vultis undecumque vobis placet dicere, etc.

Capit. Caroli Calv. tit. 16. Cap. missa de Carisiaco ann. 856. § 11. :

Et habet... omnes fideles suos convocatos, ut omnibus suam voluntatem et perdonationem et nostram, qui fideles illius sumus, devotionem Accognitet.

Tit. 28. in fine Edictum Carisiacense ann. 861 :

Hanc nostram constitutionem... relegi, Adcognitari, et observari mandamus.

Inde

Adcognitatio et cognitatio

, tit. 30. Adnuntatio Hludovici ann. 862. ad calcem Conventus ad Sablonarias § 3. Cognitamentum tit. 27. Cap. post reditum a Confluent. ann. 860. § 3. Vide Adnunt. Karoli ann. 857. § 1. et ejusdem edictum Pistense ann. 862. § 1.