ADCRESCENTES, dicti potissimum milites σχολάζοντες qui non militabant, sed militaribus numeris adscripti, in locum legitimorum militum amissorum subrogabantur, ita ut numerus, si quando esset imminutus, repararetur, in leg. 11. Cod. Theod. de Re militari, et leg. 6. et 7. de Tyronib. et leg. un. de Class. ad quarum legum illustrationem adhibendus omnino auctor vetus subditus Notitiæ Imperii cap. 5. Supplementa appellantur in leg. 9. Cod. Theod. de Tyron. leg. 3. de Tabul. et apud Ammian. lib. 21 :

Supplementa, inquit, Legionibus scripta sunt indictis per provincias Tyrocintis

. Ejusmodi sunt apud nos les Recruës, milites sc. qui in locum amissorum adcrescunt. Adde leg. 7. Cod. Theod. de Censu.