ADDEXTRARE, et Adextrare, Tegere latus dextrum, ad dextram cujuspiam stare, incedere, considere. Baldricus in Chronico Cameracensi lib. 3. cap. 38 :

Eam (Imperatricem) in processionem Domnus Episcopus Addextravit.

Ceremoniale Cencii Camerarii :

Deinde duo de majoribus Cardinalibus Addextrant usque ad altare.

Vide Gregorii PP. X :

Et per loca insignia regni sui, per quæ ipsum contingebat transire, Addextratoris officium exhibens reverenter.

Infra :

Sicut ipsum Pontificem Addextrarat per urbem.

Clemens IV. PP. apud Odoricum Raynald. ann. 1311. n. 13 :

Cum ipse Pontifex equum ascenderit, teneat stapedium sellæ ejus, et arrepto fræno aliquantulum ipsum Adextret.

Nicolaus de Curbio in Vita Innocentii IV. Papæ, apud Baluzium tom. 7. Miscell. pag. 384 :

Rex Ala manniæ christianissimus Guillelmus, filius devotus Ecclesiæ, ut et ipse gauderet aspectu tanti patris, et, ut moris est Regum, tenuit staffam ejus, et ipsum pariter Adextravit

. Sponsam Addextrare ap. S. Bernardum serm. 77. in Cant. n. 1. Le Roman d'Auberi MS. :

Elles en ont le chevalier mené.

Jusqu'à l'ostel l'ont toûjours Adextré.

Alibi :

Et Gascelins va s'amie Adestrant.