ADHABERE, pro Habere, tenere, possidere. Tabular. S. Victoris Massil. sub ann. 12. Caroli M. :

Et sicut alias res ipsas, quæ juste ad domnum Regem Karolum obtingebant, in aloda Antener Adhaberet per ipsam misculationem, seu et ipsam Caladium villam visus fuit de ipsa casa Dei abstrahisse.

Charta Arnulfi Regis apud Baldric. lib. 1. Chron. Camer. cap. 62 :

Et quidquid exinde fiscus noster exigere poterat, in luminaribus ipsius Ecclesiæ concinnanda perpetualiter concessimus Adhabendum.

Adde cap. 77. Tabularium Brivatense cap. 252 :

Habeatis atque possideatis jure proprio Adhabendum, vendendum, donandum, etc.

f. ad habendum Tabularium Ecclesiæ Viennensis fol. 24 :

Tantum et nos vobis ipsas res jam dictas et superius scriptas manibus tradimus atque transfundimus, perpetualiter. Adhabendi, vendendi, donandi liceat, commutandi, vel quicquid exinde facere volueritis, etc.