ADINVENIRE, Invenire, sensu fori Germanici est, disquirendo, cogitandoque in causa, qui verum, iustum et æquum sit cognoscere, Germ. finden. Hæc minus recte, Invenire sive finden dicebatur de scabinis, qui judicem ita in jure adjuvabant, ut legem adplicandam indicarent sive invenirent. In diplom. Bremensi ann. 1366 :

Sententionaliter fuit adinventum

, i. e. sententia fuit inventa atque inde pronuntiata. Vide Invenire. Adel. Anglos. Tofindan, Adinvenire ; apud Somner.