2. ADMONITIO, Castigatio seu correctio, quæ non præcipiendo, sed monendo fit. Admonnesteresse, commonitrix. Admonestatif, hortatorius, in Glossar. Gall. Lat. ex Cod. reg. 7684. Charta 744. apud Murator. tom. 5. Antiq. Ital. med. ævi col. 530 :

Defensionem vero, vel Admonicionem sancti monasterii volumus abere ad monasterium sancte Marie,... seu Andrea venerabilis presbitero et abbati, ea condictione, ut si aliquid discordia inter sorores fuerit exorta, quam non possimus per nos evellere, tunc abba per semetipsum, aut Deo timentem personam ipsum mali debeat monendum et corrigendum amputare ; nam nulla nobis aut sororibus contra regulam violentia imponere audeat ; sed abbatissa, quæ pro tempore fuerit, semet ipsam et monachas suas disponat.

Rursum infra. Consule ibi Muratorium.