ADOHA, Glossarium mediae et infimae latinitatis, Du Cange et al.

« Adoha » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 087c. http://ducange.enc.sorbonne.fr/ADOHA

ADOHA, Omne servitium pecuniarium quod præstatur per feudatorios : item jus Relevii. Videtur dici ab adunatione, unde etiam Dohana vel Doana, Gallice Douane. Charta Caroli Franc. et Siciliæ Regis pro Gratiano de Guerra ann. 1497 :

Damus et concedimus dictum Comitatum (de Altavilla)... Feudali quoque servitio et Adoha, nostrisque in aliis et alienis juribus in omnibus semper salvis.

Vide Tract. de jure Adohæ Jacobi de Ayello, post Tract. Ægidii Thomasi de Collectis 8. Lugd. 1559. sed maxime Andream Capanum de jure Adohæ fol. Neap. 1636.

P. Carpentier, 1766.

◊ Contract. matrimonii ann. 1358. apud Salern. :

Asseruit se justo titulo et rationabiliter habere, tenere et possidere (castrum suum) in feudum immediate et in capite a regia et reginali curia, sub certo servitio seu Adoha cum hominibus et vassallis, etc.

Occurrit ibi non semel. Vide Adhoa et Hostenditium in Hostis 2. Adoha proprie est Præstatio quæ solvitur a vassallo, propter diversa feuda diversos dominos habente, ei domino quem a pluribus simul vocatus non sequitur, sive a vassallo minoris ætatis, cum non miserit alium suo loco. Vide Eichhornii Histor. Juris Germanici § 294. not. M. et Pætzii manual. jur. feod. § 76.