« »
 
[]« Adorare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 088c. http://ducange.enc.sorbonne.fr/ADORARE
ADORARE, in sacris litteris, et apud Scriptores Ecclesiasticos, sæpe pro honorare et venerari sumitur. Paulinus Natali 9 :
  Ecce Sacerdotis reditum satiatus Adoro,
Suspiciens humili metantem in pectore Christum.
Gregorius M. lib. 9. epist. 9 :
Aliud est picturam Adorare, aliud per picturam quid sit Adorandum addiscere.
◊ De adoratione Imperatorum, seu salutatione, multa congessit Jacobus Gothofredus ad leg. un. Cod. Theod. de Præpositis sacri cubiculi, ut et Salmasius ad Hist. August.
P. Carpentier, 1766.
◊ Glossar. vet. ex Cod. reg. 7646 : Adorare, venerare, rogare. Adorat, triumphat, laudat. Chartul. eccl. Vienn. fol. 16. v°. col. 2 :
Sacrosanctæ Dei Ecclesiæ, quæ est constructa apud Viennam, et in honore S. Salvatoris dicata, ubi beatus Mauricius honorifice Adoratur, etc.
Nostris Aourer eadem significatione. Lit. remiss. ann. 1390. in Reg. 138. Chartoph. reg. ch. 256 :
Lequel saint Lubin est Aouré et festé en l'eglise d'icelle ville de Lindebeuf, auquel jour a tres grand concours, assemblée et pelerinage de gens de plusieurs villes du pays de Caux et d'autres. Aorer,
apud Marten. tom. 5. Ampl. Collect. in Contin. Guill. Tyr. col. 621 :
Saladin... ne se vout partir de Jerusalem, devant qu'il eust esté au temple et Aoré.
P. Carpentier, 1766.
Adorare, vox usitatissima apud Albigenses, pro Salutare, præcipue hæreseos doctores et antesignanos. Lit. Clementis IV. PP. inter Instr. tom. 6. Gall. Christ. col. 457 :
Quamvis quidam testes, in dicto suo singulares, asseruerint, quod ipse pater aliquando hæreticos Adoravit.
Qua ratione vero peragebatur ejusmodi adoratio seu salutatio, diserte docent Acta MSS. Inquisit. Carcass. ann. 1308. fol. 2. r°. :
Vidit tunc quod prædicti Adoraverunt prædictos hæreticos, inclinando se coram eis et ponendo manus super quemdam bancum seu coyssinum, ter dicendo, Benedicite, bonum precamini Deum pro me, et dicti hæretici respondebant, Deus sit rogatus.
Fol. 6. v° :
Dicebant (hæretici) quod omnes amici sui et credentes, debebant eis facere reverentiam, dicendo ter, Benedicite, coram eis. Interrogatus si ipse fecerat tunc dictis hæreticis [] reverentiam illam, dixit quod sic, amoto capucio, inclinando se versus eos, dicendo ter, Benedicte ; hæretici respondebant, Dominus vos benedicat.
Fol. 10. v° :
Adoravit eos (hæreticos) flexis genibus, ter dicendo, Benedicite, et dicti hæretici respondebant ; Deus vos benedicat ; et hoc dicebant in qualibet Adoratione.
Fol. 15. r° :
Amoto capucio inclinabant se coram eis super utrumque humerum alternatim.
Et fol. 34. v° :
Veniebant ad eos salutando et dicendo, Domini, salvemini, vel, Bene veneritis ; edoctus primo per eos inclinabat se versus eos, et osculabatur humeros eorumdem.
© École des chartes.