ADVENTURA, Ital. Avventura, Caducum, escaeta, quod quasi fortuito obvenit. Charta Phil. Pulc. ann. 1298. in Lib. rub. Cam. Comput. Paris. fol. 85. v°. col. 2 :

Habebamus... trecentas vigenti et octo libras et duodecim denarios Turon. parvulorum renduales, tam in blado,... quam in Adventuris bassæ justitiæ, usque ad 60. solidos monetæ Caturcensis.

Alia ejusd. Reg. ann. 1314. in reg. 50. Chartoph. reg. ch. 28 :

Et omnia expleta, commoda, Adventuras, emendas, obventiones, et emolumenta, etc.

Charta Philippi V. ann. 1317. ex Reg. 53. ch. 261 :

Item quinque arpenta terræ in frichia, cum antiqua vinea.... Item Adventuræ, quæ ratione præmissorum possent evenire. Obventions, exploits, Adventures et toutes autres choses,

in Charta ann. 1288. inter Probat. Hist. Sabol. pag. 346. Recognit. feud. dom. de Veteri-ponte et de Buri ann. 1366 :

Vint et sept soulx, six deniers de cens,... o toutes les dependences des Aventures de censif.

Nostris olim Adventurer, pro Naufragari, ad littus appellare, Gall. Echouer. inter Probat. tom. 1. Hist. Britan. col. 792 :

Toute neff ou vaisseau, quand ils Adventurent en la coste de Bretagne, tout est conquis ez dits Comptes.

Vide Aventura 3.