« »
 
ADVENTUS 1, ADVENTUS 2, ADVENTUS 3, ADVENTUS 4, ADVENTUS 5.
[]« 1 adventus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 097c. http://ducange.enc.sorbonne.fr/ADVENTUS1
1. ADVENTUS, Casus adversus, infortunium, Gall. Accident, Aventure. Epistola Senescalli Provinciæ, ann. 1326. in Archivo S. Victoris Massil. :
Propter Adventum submersionis galeæ in numero 20. galearum felicis armatæ computatæ.
© École des chartes.
[]« 2 adventus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 097c. http://ducange.enc.sorbonne.fr/ADVENTUS2
2. ADVENTUS, Tempus, quod Natale domini præcedit, constans 4. septimanis, quod a Petro institutum ait Durandus lib. 6. cap. 2. num. 1. quanquam non idem semper fuit Hebdomadum et Dominicarum [] numerus : nam in Missis Ambrosianis de Adventu Domini, sunt sex Dominicæ, et prima subsequitur festum S. Martini, quod testatur etiam Radulfus Tungrensis propos. 16. Vide Abbonem Monach. apud Baron. ann. 1001. n. 5. et Menardum ad Sacrament. Gregor. M. pag. 215.
◊ Sed et illud pariter observandum, a Natali Domini, sive Adventus, primam Dominicam, sive Hebdomadem modo appellari, quæ remotior est, quartam vero quæ proxima : antiquitus vero inverso numerandi ordine, proximior prima, remotior quarta dicebatur, uti docemur ex Amalhario lib. 3. de Offic. Eccles. cap. 11. et libro Sacrament. Gregorii PP. Versus qui habentur in Martyrologio S. Victoris Parisiensis :
  Post ternas Nonas, vel quintas ante Kalendas.
Vel sic :
Andreæ festo vicinior ordine quovis
Adventum Domini feria prima colit.
Vide Honorium Augustod. lib. 2. de Imag. mundi, cap. 107. De nomine, sic Rupertus lib. 3. de divin. Offic. cap. 1 :
Tempus quod Dominicæ Nativitatis memoriam antecedit, ideo Adventus nuncupatur, quia totus ejus Ecclesiasticus ordo juxta contemplationem Adventus Domini dispositus est. Advenire autem recte Dominus dicitur, qui ubique est invisibili præsentia majestatis, dum assumpto quod visibile est nostrum, usibus carnis visibilem se ostendit, etc.
Cur a Fidelibus institutus sit, docet Honorius Augustod. lib. 3. cap. 1. Will. Neubrigensis lib. 5. cap. 17 :
Erat autem hiems, et Dominici Natalis solennis exspectatio, quæ Adventus domini dicitur, erat in Januis.
P. Carpentier, 1766.
◊ Ut Quadragesimæ, sic et Adventus tempore, inhibebantur sacramenta, quod discimus ex Conc. Burdegal. ann. 1255. cap. 7 :
Decrevit sancta Synodus ut a Septuagesima usque ad octavas Paschæ, ab Adventu Domini usque ad octavas Epiphaniæ,... nullus super Dei Evangelia jurare præsumat.
His concinit Petrus de Font. in Cons. cap. 5. art. 6 :
Sairemens cesse dès le commencement de l'Avent, duskes à lendemain de la Teffaigne.
Auvent pro Avant, apud Joinvil. in S. Ludov. edit. reg. pag. 150 :
En Quaresme et és Auvens croissoit le nombre des poures.
© École des chartes.
[]« 3 adventus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 098a. http://ducange.enc.sorbonne.fr/ADVENTUS3
3. ADVENTUS, Tributi species. Tabular. Burguliense fol. 59 :
Gaufredus gener calumniatur, requirens ab eis relevamentum, ita ut nec ab ipso, nec aliquo hæredum suorum amplius requireretur. Postea cœpit quoque quærere aliam occasionem, quam Adventus vocant, pro quo petebat quotanno sibi reddi unum sextarium frumenti, et duos avenæ, et unum modium vini, etc.
© École des chartes.
[]« 4 adventus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 098a. http://ducange.enc.sorbonne.fr/ADVENTUS4
4. ADVENTUS, pro Auventus, Gall. Auvent, Umbraculum ligneum projectum, quod fenestræ vel officinæ appenditur. Charta Odonis de Clareio ann. 1198. in Chartul. Arremar. ch. 5 :
Concessi ecclesiæ Arremarensi.... quamdam domum, quam habebam apud Trecas,... cum Advento liberam ab omni consuetudine, et teloneo, et vicecomitatu.
Occurrit rursus infra ch. 13. Vide infra Auventus.
© École des chartes.
[]« 5 adventus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 098a. http://ducange.enc.sorbonne.fr/ADVENTUS5
5. ADVENTUS, Navigium, cataplus, in Glossar. ex Cod. reg. 7641. Vide Cataplus.
Jocundus Adventus, Tributum, quod Domino exsolvitur, cum primum ad aliquam dignitatem pervenit, verbi gratia, cum Reges ad regnum educuntur. [] Computus Thesaurariorum Franc. 1316 :
Pro dono facto Regi ratione Jocundi Adventus sui et exercitus Flandriæ 500. lib. Tur.
Vide Cognatum in Histor. Tornacensi lib. 4. cap. 15. extremo, et Chopinum lib. 1. de sacra Polit. tit. 8. § 13. Adde præterea Concil. Lateran. IV. cap. 57.
◊ Ab Episcopis etiam exactas ejusmodi præstationes in eorum
Jucundo Adventu
legimus in Gestis Abbatum S. Germani Autissiodor. cap. 18. et apud Hubertum in Probat. Histor. Ecclesiæ S. Aniani pag. 62. Adde Constit. Sicul. lib. 3. tit. 18.
P. Carpentier, 1766.
◊ Norunt omnes Regum nostrorum morem, cum primo urbem ingrediuntur, carceribus detentos liberandi ; cujus privilegii mirum non est potitos Principes ex domo regia, cum primum dominia sua invisebant, ut constat ex Lit. remiss. ann. 1479. in Reg. 205. Chartoph. reg. ch. 462 :
Nostre tres cher et tres amé nepveu Charles de Savoye, estant en la terre et Seigneurie de la Lande les Blois, ou jamais n'avoit esté, ès prisons duquel lieu il trouva detenu prisonnier le suppliant,..... desquelles prisons nostredit nepveu en usant des droiz, prérogatives et préeminences, dont ont accoustumé joyr et user ses semblables et prédecesseurs du sang et lignaige de la maison de France, ait à sa premiere venue et entrée en ladite terre et seigneurie de la Lande, delivré et mis hors desdites prisons icellui suppliant et quitté, remis et pardonné le cas, etc.
At non ita vulgatum est provinciarum præfectos interdum eamdem sibi vindicasse prærogativam : quod factum a domino de Couciaco et a Rege confirmatum docent Lit. remiss. ann. 1360. ex Reg. 89. Ch. 444 :
Accedens ad villam Laudunensem dominus de Couciaco, villæ et in partibus Laudunensibus locum-tenens noster, de novo tunc institutus, in jocundo Adventu suo omnes prisionarios, tam in carceribus nostris, quam in illis curiæ episcopalis dictæ villæ Laudunensis, tunc existentes ab eisdem deliberavit, et eis gratiam deliberationis fecit generalem.
Apud Sueo-Gothos etiam novo regi, solemne iter (quod Eriksgata dicebant) per regnum facienti et in provinciam advenienti tributum Inlœnding dictum pendebatur, eidemque simul licebat tres homines exules in patriam restituere. Vide Cod. jur. Ostrogotici, Drapa-Balkær cap. 5. et Grimmii ant. jur. pag. 254. sqq.
© École des chartes.