« »
 
[]« Advisare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 099c. http://ducange.enc.sorbonne.fr/ADVISARE
ADVISARE, Avisare ; ex Gall. Advis, [] avis, Consilium : Italis Avisare, Gallis Adviser, aviser, Consulere, deliberare. Item monere, Gall. Avertir. Nicolaus Clemangis in tract. de Annatis non solvendis pag. 82 :
Certi, qui cum deputatis Dom. Cardinalibus convenirent ad Advisandum.
Infra :
Adducendo in medium rationes et justificationes, quas prius longe Advisaverant.
Hickesius Gram. Theot. pag. 92. vult accersendum a Latina præpositione ad et veteri Septentrionali Wisan, Cimbrice Visa, quod significat Monstrare, docere, instruere.
Avisare. Libell. de Fundat. Monaster. Bigaugiensis pag. 253 :
De eo Archiepiscopus doli nescius Avisatur a quodam, etc.
Ex juramentis Advocatorum apud D. de Lauriere tom. 2. Ordinat. Reg. pag. 225 :
Quod in causis, quas fovebunt, si viderint tangi Regem, ipsi de hoc Curiam Avisabunt.
Charta ann. 1089 :
Singuli Abbates suos Avisavere judices.
Ericus Upsalensis lib. 3. Hist. Suecicæ ann. 1304 :
Dicens, quomodo Avisatus esset, et certissime informatus.
Infra :
Desuper Avisarent, etc.
Ita lib. 5. pag. 104. lib. 6. pag. 205 : Præavisatus, Lib. 4. pag. 117. Thom. a Kempis in Chron. Montis Agnetis cap. 1 :
Ad Avisandum locum quietudini aptum.
Chron. Windesem. lib. 1 :
Hic ergo, frater, sis Avisatus, et caveas tibi.
P. Carpentier, 1766.
◊ Hac ultima notione nostrates Accointer et Acointier dixerunt. Chron. S. Dion. tom. 7. Collect. Histor. Franc. pag. 145 :
Mais autrement ala la besoigne que il ne cuida. Car ses niés en fu Acointié.
Ubi Annal. Bert. ibid. pag. 122 :
Nunciatum est Hludowico et suis.
Lit. remiss. ann. 1389. in Reg. 138. Chartoph. reg. ch. 119 :
Le Samedy de la Guibray derniere, Sainsot le Bas Accointé par plusieurs que Jean de More, dit le Jean Nauder, de la paroisse de Tilleul, maintenoit sa femme, etc. Jean Fourquie en fut Acointié et advisé,
in aliis ejusd. ann. ibid. ch. 223. Hinc Accointaire appellari videtur Navis nuncia, in Instr. ann. 1453. apud Marten. tom. 1. Anecd. col. 1823 :
Une Accointaire chargée de femmes de Peyre fut prise des Turcs.
les Bénédictins de St. Maur, 1733–1736.
Advisamentum. MS. Biblioth. Colbert. 2576 :
Advisamenta styli Curiæ Ecclesiasticæ Briocensis. Regulæ quædam sunt litium et litigantium Advisamentum.
Avisamentum, Consilium, sententia, Avis. Charta Henrici VI. Regis Angl. tom. 2. Monast. Angl. :
De Avisamento et consensu consilii nostri concessimus.
Henric. de Knighton lib. 4. :
Per Avisiamentum procerum certorum ad hoc Parliamentum assignatorum.
Adde Walsingham. pag. 509.
P. Carpentier, 1766.
Advisate, Cogitate, consulto, nostris olim Aviséement. Stat. Andreæ abb. Cassin. ann. 1372. tom. 2. Hist. ejusd. monast. pag. 536. col. 2 :
Item quod nullus monachus ludendo seu alio quoque modo Advisate tangendo, porrigat manus in personam alterius.
Le Roman de Cleomades MS :
En la premiere (bataille) son fil mist,
Tout Aviséement le fist.
les Bénédictins de St. Maur, 1733–1736.
Avisatio, Eadem notione. Rymer. tom. 8. pag. 215 :
Ex certa nostra scientia, et assensu ac Avisatione nostri sanioris et digesti consilii.
les Bénédictins de St. Maur, 1733–1736.
Advisatus, Cautus, prudens, Gall. Sage, Avisé. Menotus Sermon. fol. 2 :
Discretus et homo Advisatus non transibit ultra.
Advisor, Qui dat consilium, Qui donne Advis. Testamentum S. Fulcranni Episcopi Lodovensis :
Tali tenore, ut [] Macfredus Episcopus sit provisor et Pater et ordinator et defensor ac tutor ipsius Monasterii, et omnes Canonici S. Genesii Sedis Lutevensis Advisores et consolatores propter Deum, quatenus illis æterna merces reddatur a Domino Jesu Christo.
© École des chartes.