ÆNEUM Frumentum. Hujus meminit lex unica Codic. Theod. de frumento Chartaginensi, in qua traditur illius pensitationi obnoxia fuisse certa corpora, seu prædia vel agros, atque adeo Magistratus, seu Duumviros, Chartagine. Sed quale illud fuerit, omnino non constat, cum apud alios scriptores vox hæc non reperiatur. Vide quæ in hanc rem habet Jacobus Gotofredus, et infra in v. Ærariæ annonæ.

Usibus perpetuis dicatum

, interpretatur Dirksenius.