ÆQUIVOCUS 1, Glossarium mediae et infimae latinitatis, Du Cange et al.

« 1 æquivocus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 117b. http://ducange.enc.sorbonne.fr/AEQUIVOCUS1

1. ÆQUIVOCUS, ὁμώνυμος, Homonymus, in Vita Ludovici Pii ann. 837. Qui eodem nomine appellatur. Flodoard. lib. 2. Hist. Rem. cap. 20 :

Ludovicus ab Æquivoco suo restitutus est in regnum.

Charta Hermengardæ Reginæ Burgundiæ ann. 1037. in Tabulario Ecclesiæ

Gratianop. sub Hugone Episcopo fol. 33 :

Quia istam domum duo homines Æquivoci, id est, qui uno nomine vocantur, id est, Ebo, possident.

Guntherus lib. 1. Ligurini :

Alter at Æquivocum sibi consimilemque Rogerum
Progenuit.

Henric. Rosla in Herlingsberga, de 4. Henricis Impp. :

Quatuor Æquivocum sibimet qui nomen habebant.

Occurrit passim. Hinc

Æquivocari, eodem nomine vocari. Petrus Bles. serm. 23. de Maria Magdalena :

Quia sicut Æquivocatur B. Virgini vocabulo, etc.

Matthæus Vindocinensis in Tobia :

Solvitur in puerum partus patris, Æquivocatur
Nomine Progenies sedulitate patris.