« »
 
[]« Æstivalia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 120b. http://ducange.enc.sorbonne.fr/AESTIVALIA
ÆSTIVALIA, Ocreæ, calceorum species, quibus æstate utebantur. Gloss. Lat. Gall. Ocrea, heuse, ou Estivaux. Vide Osa. Statuta Hospital. S. Juliani in Anglia in Addit. ad Matth. Paris. pag. 162 :
Æstivalibus largis seu botis pro calceamentis utuntur.
Pag. 168 :
Calceamenta pedum sint caligæ et Æstivalia : sint sotulares erecti, etc.
Charta ann. 1332. in Maceriis S. Barbaræ Lugdun. pag. 203 :
Et tria paria sotularium regularium temporibus quibus magis indigent, hiemali vel æstivali, et hoc sacerdotibus et juvenculis : et quod dicta Æstivalia teneantur semel facere de accampiis et sotularibus.
Clementina Ne in agro, de statu Monachorum lib. 3. tit. 10. cap. 1. ff. 1. Statuimus :
In vestibus sendatum pro foderaturis non portent, Æstivalibus largis aut botis altis pro calceis utantur.
Adde Chartam Manassis Episcopi Aurelian. ann. 1210. in Probat. Hist. Blesensis pag. 10. Computum Stephani de la Fontaine Argentarii Regii ann. 1351. tit. Chaucemente pour le Roy, seu de Calceatura :
Guillaume Loisel Cordoüannier du Roy pour 5. paires d'Estivaux, et 52. paires de soliers.
Occurrit ibi pluries. Fori Aragon. lib. 4. tit de Cerdonibus :
Possint facere sotulares magnos et parvos, Stivales, hosas et aliud opus quodcunque de pellibus hircorum, arietum, etc.
Stivale, pro Æstivale dixit eadem notione Cæsarius lib. 10. Miracul. cap. 29. Gesta Legationis Ambassiatorum Ludovici Ducis Andegav. ad Judicem Sardiniæ 1378 :
Ocrea sive Stivalia de [] corio albo more Sardico.... obtulerunt.
Declarationes Congregat. S. Justinæ ad Regulæ S. Benedicti cap. 55 :
Vitetur curiositas et pretiositas in gladiis, tabulis, calcaribus, Stivalibus, etc.
© École des chartes.