AFFOSTRATA, Reditus, in Glossis Isidori, ubi reponit Vulcanius Apostropha. An Afforata ? nam Afforagia et res afforatæ, reditus ac tributi loco sunt. Sed vox non est Isidioriani sæculi. In Glossis Bitur. MSS. legitur Affrostata. In Pithœanis Adostrata, ubi legendum conjicit Apostropha, sed quid hæc ad reditum ? Gloss. in cod. reg. 4778 : Apostrophan, transitum facit regressu, reversione, ubi agi videtur de figura notæ qua grammatici ultimam vocalem deesse ostendunt. Vide Isid. Orig. lib. 1. cap. 18. Sed propius accedit alia glossa, quæ Isidori nomine insignitur in eod. Gloss. : Apostate dicuntur qui post baptismum... ad Idolorum cultum... revertuntur, Apostatare, retro ire, prevaricare. Vide Is. Or. lib. 8. cap. 10.