« »
 
[]« Agentes » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 138c. http://ducange.enc.sorbonne.fr/AGENTES
AGENTES dicuntur, qui rebus agendis præsunt, et a Proceribus iis præficiuntur.
Agentes Potentum
in Concilio Aurel. IV. cap. 26. qua notione usurpant Fortunatus in Vita S. Radegundis cap. 34. et Baudonivia in Vita ejusdem S. Radegund. cap. 6.
Agens domus
, apud Gregor. [] Turon. lib. 7. cap. 42. qui actor lib. 9. cap. 35.
Agentes et ministri Monasterii
, in Chronico S. Vincentii de Vulturno pag. 687.
Agens Regis
, in Charta Odardi Dom. Harnensis anno 1328 :
Et se en ce cas li dis Sires, ou si hoirs estoient defaillans de faire de ce bonne Iustice, lidis Maires et Iurés se pourroient traire et doloir à l'Agent du Roy, et par l'Agent du Roy lidis Sires et si hoirs seront contraint à faire justice du meffait, etc.
Agentes, Officiales ac Ministri Regii, quorum munus Actio inde appellatur. Gregor. Turon. lib. 6. cap. 19 :
Mittit nuncios Comitibus, Ducibusque et reliquis Agentibus, ut collecto exercitu in Regnum Germani sui irruerent.
Marculfus lib. 1. form. 11 :
Ille Rex, omnibus Agentibus, etc.
Agentes in Rebus, Qui Principis jussis obsecundabant, eorum mandata in provincias perferebant, Magisteriani etiam appellati, quod sub Magistro officiorum militarent. Hinc in Gloss. Latino-Græcis MSS. Agens in rebus Μαγιστριανὸς dicitur. Hieronym. in Abdiam cap. 1 :
Eos enim, quos nunc Agentes in Rebus, vel Veredarios appellant, veteres Frumentarios nominabant.
Ejusmodi Agentium in rebus passim mentio apud Scriptores, quos laudat Jacobus Gotofredus ad tit. Cod. Theod. de Agentibus in rebus, ubi copiose de eorum munere, scholis, et privilegiis.
© École des chartes.