« »
 
[]« Agius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 142c. http://ducange.enc.sorbonne.fr/AGIUS
AGIUS, Ayus, ἂγιος, Sanctus. Charta Edmundi Reg. Angl. in Monast. Angl. pag. 15. 17 :
Ego... triumphalem trophæum Agiæ Crucis impressi.
Et pag. 122 :
Agio [] et alto Domino Zabaoth regnante.
Adde Ingulphum pag. 882. S. Bonifacius Episcopus Moguntin. Epist. 1.
Agiis frustratis, etc. Agius Pontifex
, in Vita S. Audomari cap. 1. 3. Utitur etiam Fridegodus in S. Wilfrido cap. 6. Ex his emendanda formula 15. ex Baluzianis :
Agino Salomon pro sapientia bene scripsit hanc sententiam, etc.
Legendum enim agio, vel agios, aut agius. Vide Miræi Opera Diplomat. edit. 2. pag. 1141.
Ayus, pro Agius, Papias : Aius, Sanctus. Breviloq. Aios Latine, i. Agios Græce. Stephanus Episcopus Leod. in Vita S. Lamberti cap. 2 :
Eodem tempore Ayus Pontifex Theodardus, etc.
Ubi loci fallitur Chapeauvillus, qui nomen proprium esse putat. Et cap. seq. sanctus dicitur Theodardus. Vide Triumphum S. Remacli lib. 2. cap. 36. Glaber lib. 4. cap. 6 :
Exclamavit, ut Christianis mos est,... Aios, Kyrie eleison.
Expositio brevis antiquæ Liturgiæ Gallic. inter Anecd. Marten. tom. 5. col. 91 :
Aius vero ante Prophetia pro hoc cantatur in Cræca lingua, quia prædicatio Novi Testam. in mundo per Græca lingua processit... Incipiente Præsule Ecclesiæ Aius psallet dicens Latino cum Græco, ut ostendat junctum Testamentum Vetus et Novum.
Et col. 93. De Aius ante Evangelium habetur :
Tunc in adventu S. Evangelii claro modulamine denuo psallet Aius in specie Angelorum ante faciem Christi ad portas inferi clamantium : Tollite portas principes vestras, etc.
© École des chartes.