AGNACIA, Minuta decima, quæ ex lanis agnorum, vervecumve percipitur. Charta ann. 1228. in Chartul. Buxer. parte 8 :

Ego Willelmus dominus Marrignei... concessi in puram et perpetuam elemosinam Deo et beatæ Mariæ de Buxeria... parvam decimam, quam solebam habere apud Chanobum, quæ nuncupatur Agnacia.

Jura eccl. parroch. de Thoisiaco Eduens. Diœc. scripta ann. 1383. ex Cod. reg. 5529. B :

Agnaciam seu decimam lanarum omnium mutonum, castronum et aliorum animalium lanigerorum in tota parrochia yvernatorum percipit curatus.

Voce vero Agnence, in Ordinat. pro hospitio comit. Carol. inter Probat. tom. 3. Hist. Burg. p. 255. col. 2. certa lanæ quantitas significari videtur :

Item Jehannotte la Germinée aura une Agnence.

Vide infra Aignelinus et Annacia.