AGOTALLUM, Instrumentum quo hauritur aqua, et ex nave projicitur ; Aggottare dicunt Itali, pro Aquam e nave cum hujusmodi instrumento emittere ; forte a veteri Gall. Agoust, quo significatur canalis seu emissarium, aquarium. Vide mox Agotum. Statuta Avenion. MSS. ann. 1243. cap. 53 :

Quod omnes domini omnium molendinorum teneantur habere quoddam navigium, quod per totum annum stet circa molendina cum remis et Agotallo, cum quo navigio, si aliquod infortunium accideret, quod aliquis homo in Rodanum caderet, cum illo navigio possit ei succurri.

Vide mox Agotum.