AGUSADURA. Pactum ann. 1231. inter Alfonsum Comitem Pictavensem et Albertum Abbatem S. Theodardi Montis-Albanensis :

Concessit Comes, quod Abbas haberet quartam partem salini supradicti : verumtamen concessit si idem Comes dimittat, vel derelinquat salinum universitati villæ, etc. Concessit eidem Abbati medietatem eorum, quæ percepit idem Comes in dictis villis occasione de las Agusaduras. Verumtamen si dominus Comes dimittat, vel derelinquat las Agusaduras, quod facere potest, Abbas habebit, etc.

Olim non licebat agricolis vomeres aliaque utensilia ferrea rustica aliis exacuenda tradere, quam iis qui a Comite Tolosano ad id præfecti erant, quibus certa pensitatio præstabatur, quæ in Provinciæ Comitatu Agusadura, in aliis locis Agusadge appellabatur. In Camera Computorum Paris. habetur Charta Ludovici Ducis Andegavensis ann. 1370. qua Consulibus Lausertæ concedit :

Qu'ils puissent faire aiguiser leurs rasoirs et leurs piques où ils voudront, en payant le feure.

Quidem putant idem esse, quod aliis Reillage dicitur, a voce Reille, quæ vomerem significat.