ALABRUM et Alibrum, Instrumentum circa quod volvuntur fila, et cujus ope in orbes glomerantur, Gallis Devidoir. Nunc, olim vero Hasple, Germ. Haspel Hispanis Aspa ; quod a voce Alabrum dictum videtur. Vide alia notione in Alabrare. Isid. lib. 19. Orig. cap. 29 : Alibrum quod in eo liberentur fila, id est, solvantur. Gloss. Bitur. habet, id est, volvantur fila. Calepinus ad hanc vocem :

Filum a colo in fusum, de fuso in Alabrum, hinc in girgillum, deinde in glomicellum, etc. Alabrum

dicitur quod radios quasi alas habeat, inquit Martinius in Lex. Phil. In veteribus Lexicis Monasticis legitur et verbum Alalrare, Filum evolvere. Vide Devolutorium.