ALBIGENSES, Hæretici ita dicti ab Albigensi civitate in Occitania, ubi multum invaluerunt Philippo Augusto et Ludovico VIII. regnantibus, quorum initia, progressus et hæreses multi passim recensent Scriptores. Matth. Paris ann. 1213 :

Dicuntur autem Albigenses ab Albia civitate, ubi error ille dicitur sumpsisse exordium.

Vide Rogerum Hoved. pag. 556. et alios ejusce temporis Scriptores. Aubijois et Aubejos Poetis nostratibus appellantur. L'ordene de Chevalerie de Hue de Tabarie MS :

Ja li bon durer ne porroient,

Se che n'est fors de Sarazins,

D'Aubejois et de Barbarins.

Guillelmus Guiart MS. :

En cel temps fu d'Aubijois Sires

Simon le Comte de Monfort.

Titulus Chronici Guillelmi de Podio Laurentii ; Incipit Chronica Magistri Guillelmi de Podio Laurentii super historia negotii a Francis, Albigensibus vulgariter appellatis, i. Albejots, etc.