ALCHERIA, Glossarium mediae et infimae latinitatis, Du Cange et al.

« Alcheria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 170b. http://ducange.enc.sorbonne.fr/ALCHERIA

ALCHERIA, Alqueria, Alquaria, Villa unius vel paucarum domorum, quam nostri vulgo Ferme, Métairie, vel cum plures sunt domus, Hameau, vocant. Arab. קריה Urbs, pagus, villa, vicus, ager, castellum. Sebastianus Cobarruvias :

Alqueria, es la casa sola en el campo donde el labrador del, se regoge con su gente y haro de labrança, por estar lexos de poblado, y que el dia se le fuera en ir y venir, no habitando en la misma tierra que labra, y assi vale tanto como casa de labrança, y donde ay muchas destas casas, apartadas unas de otras, pero en una comarca. Dize el padre Guadix, que el nombre Alcarria, y Alqueria, son de una raiz, y que valen tanto, como aldeas, que es caria.

Charta Jocobi Regis Aragon. ann. 1230. apud Guesnaium in Annalib. Massil. pag. 360 :

Damus.... infra civitatem Majoricarum, vel extra, trecentas domus cum una Meschida in ipsa civitate,.... 39. operatoria, et 7. Alcherias in terminio civitatis Majoricarum, cum 25. jovatis terræ.

Alia Jacobi II. Regis Majoricar. ann. 1310. in Camera Comput. Paris. :

Damus ad accapitum, sive in emphytheosin,... Alcheriam nostram, quæ est in terminis de S. Aginno, vocata Alcheria Blanca, cum tota laboratione ejusdem, et cum omnibus terminis et pertinentiis suis.

Alia anni 1261 :

De Alcheriis, rafallis, campis, vineis, etc.

Ubi innuit Foros Oscæ ann. 1247. fol. 30 :

Nisi in Alcaçaria tendam locatam teneat, etc.

Alquaria, Alqueria, Eadem notione.

Charta MS. Lupi Examinis de Luzia, data apud Majoricas 6. Id. Aug. 1231 :

Dono, concedo et laudo per alodium francum atque liberum Deo et Domui S. Georgii... quandam Alquariam, quam habeo in introitu vallis de Muzo, versus Occidentem, sicut affrontatur ab Oriente, etc.

Alia Jacobi Regis Aragon. anno 1250 :

Quod possitis plantare vineas in terminis dictorum locorum, et Alqueriarum tot, quot volueritis.

Alcaceria, vel Alcharia, ex Hispan. Alcaçar, vox Arabica, inquit Sebastianus de Cobarruvias, quæ domum fortem, castellionem, domum regalem, sonat, quasi domus Cæsarea, domus Regis. Pactum initum inter Jacobum Regem Aragonum et Nobiles Aragonenses de conquirendis Balearibus insulis, datum Barcinone anno 1229. 5. Kl. Sep. :

Et nos similiter habeamus partem omnium prædictorum secundum numerum militum et hominum armatorum, qui nobiscum fuerint, retentis nobis Alcaceriis et staticis Regum in civitatibus ultra debitam portionem nobis competentem.

Ita MS. Charta : sed apud Joann. Dametum in Hist. Balearici Regni pag. 203. habetur Alcahris, pag. 208. Alqueriis.

◊ Voces propriæ Majoricensibus, apud quos Alqueria, significat lugar de pocas casas como de muchas, Beled. Ita autem Arabes, seu Mahumetani, dum Baleares insulas possidebant, villas appellarunt, voce Arabica, deducta ab Alquehir, que es lo mesmo, que casa de fuera, inquit Joann. Dametus in Historia general del Regno Balearico, pag. 272. unde etiam origo nominis urbis celeberrimæ Cayri. Neque aliunde Vascones nostri hauserunt suum Alcarerria, quibus idem sonat, ut auctor est Oyhenartus.

◊ At de vocis notione, paulo aliter Michael del Molino in Repertorio Foror. Aragon. v. Feria :

Et scias, quia Alcaçaria, de qua fit mentio in dicto foro antiquo, est quidam locus, seu quædam platea parva, in qua Judæi congregabantur ad emendum et vendendum vestes et suppellectilia domus, et alia mobilia.

Alcaçaria et Alcheria plane differunt inter se, hæc casa est, illa ædes magnificæ, in quibus degunt mercatores. Conf. de Sacy, description de l'Egypte par Abdallatif, pag. 303. not. 8. Vide Alcazaria.