ALIADA, Idem quod in re monetaria Lex dicitur, nostris Alloy, Metalli probitas. Charta ann. 1215. ex magno Talam. Montispessul. fol. 8 :

Nos Willelmus de Altiniaco D. G. Magalonensis episcopus.... damus et concedimus vobis.... consulibus Montispessulani... duos denarios de illis 12. denariis, quos comes Melgorii accipere debet in moneta in singulis libris Melgoriensium monetæ præsentis, ad quatuor denarios Aliadæ ;... quod moneta in Melgorii comitatu et in Magalonensi episcopatu semper curret et curribilis erit ad pondus assuetum de 24. solidis denariorum in libris, et de 25. solidis obolorum in libris ; et ad legem similiter assuetam, scilicet ut quatuor denarii argenti fini sint in solido denariorum, et tres denarii argenti fini sint in solido denariorum de obolis.

Vide supra Aleium.