« »
 
[]« Alleluiatica » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 184a. http://ducange.enc.sorbonne.fr/ALLELUIATICA1
ALLELUIATICA, Antiphona temporis Paschalis, quæ vel solo constat vocabulo Alleluia, vel quæ constat eadem voce, sed aliis verbis inserta vel addita, sive id fiat semel tantum, sive pluries. Cod. MS. Rituum Eccl. B. Mariæ Deauratæ Tolos. :
Incipiuntur Vesperæ regulares et dicitur super Psalmos antiphona Alleluiatica ; Psalmus, dixit Dominus cum tribus seqq.
Et infra :
Non dicuntur Alleluiatice, sed solum Antiphona, et in ultima reyteratione dicuntur omnia tam antiphona quam Alleluiatica.
Rursum infra :
Dicuntur sine Alleluiaticis... ad [] Nocturnos, Laudes, et ad Horas diei dicuntur pro antiphonis Alleluiaticæ.
Et in Breviar. Sarisber. :
Antiphonæ Alleluiaticæ Paschales dicuntur super Psalmos.
P. Carpentier, 1766.
◊ Ordinar. eccl. Lugdun. MS. :
De Alleluyaticis. Dominica prima post octavas Paschæ ad missam dominicam, officium, Misericordia Domini, primum Alleluya, Dominus regnavit ; secundum Alleluya, Jubilate ; super septimanam, una die unum, altera die aliud : et sic sit per omnes alias septimanas.
Infra :
De Alleluyaticis, quæ dicuntur post octavas Pentecostes, in Laudibus. Post octavas Pentecostes dicuntur Alleluyaticæ seriatim ; sed Dominica prima post festum S. Joannis Baptistæ, dicitur Alleluya, Innuebant.
© École des chartes.