1. ALLOCATUS, Alloquatus, Procurator, qui pro alio agit, spondet, qui ad id locatus, vel allocatus est, ut vicarii vicem agat. Concilium Andegavense ann. 1269. can. 1 :

Quidam domini temporales et eorum Allocati, inhibent seu inhiberi faciunt subditis suis, etc.

Libertates Salvæ Terræ in Diœcesi Rutenensi ann. 1284 :

Alienigenæ... quæ dictum defensum ignoraverint pœnæ non subjaceant ; sed alias ad nostri Allocati arbitrium puniantur.

Charta anni 1290. in Regesto Comitum Inculismensium in Camera Comput. Paris. :

Quem sic condemnatum per eosdem Abbatem et Conventum, seu Alloquatos eorum, dictus Comes, vel Alloquatus suus, debet recipere ad requisitionem eorum, etc.

Alia Isabellæ Dominæ Credonii ann. 1265. in eodem Regesto :

Et s'il avenoit, que le Comte ou ses gens ne feissent tort ou force esdites choses, e ge l'eusse requis, ou fet requerre lui ou ses Aloez, et il me fu defaillans d'amender le forfet, etc.

Adde Concilium Salmuriense ann. 1253. can, 8. 24. Langiense ann. 1278. can. 2. Littletonem sect. 514. et Chartas aliquot apud Augustinum du Pas in Stemmatibus armoricis part. 1. pag. 251. et in Stemmate Acignianensi pag. 591.