« »
 
[]« Allophylus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 188b. http://ducange.enc.sorbonne.fr/ALLOPHYLUS
ALLOPHYLUS, Alienigena. Vox Græca ab ἄλλος, alius, et φῦλον, Gens. A Sulpitio Severo passim usurpatur pro Philistæis, pro quibus etiam septuaginta Interpretes vertere solent, ἀλλόφυλοί. Hinc S. Orientius in Commonitorio lib. 1. collect. novæ Edm. Marten. pag. 11 :
Illum mirifico famosum robore Samson
Forma decem sævis tradidit Allophylis.
◊ Acta SS. Bened. sæc. 4. part. 1. pag. 404. in Translat. S. Sebastiani :
Verum longe aliter his quibus sincera in Deo fides et promtissimus erat, tametsi minus doctus, et ideo male illusus famulatus, quam Allophylis rite contigisse perpenditur.
Allofilus, Attoni de obsidione Lutetiæ a Normannis apud Duchesnium pag. 48. Scriptor. Hist. Norman. col. 2. II, 584, ubi glossa : Paganos.
En iterum misero gemitu loquor affore sævos
Allofilos, terram vastant populosque trucidant.
◊ Occurrit iterum ibid. pag. 44. col. 2. II. 150
© École des chartes.