ALMITAS 1, Glossarium mediae et infimae latinitatis, Du Cange et al.

« 1 almitas » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 190c. http://ducange.enc.sorbonne.fr/ALMITAS1

1. ALMITAS. Sanctitas. Vita S. Adhalardi :

Duces progenie. sed ditior Almitate.

Ermenricus in Vita S. Soli cap. 10 :

Hæc idcirco tibi sic exposui, ut certior sis de Almitate hujus emeriti viri.

Est etiam titulus compellatorius apud Marculfum lib. 1. form. 6. Desiderium Episcop. Cadurcensem in Epist. 1. 13. 15. etc. Joannem VIII. PP. Epist. 66. et alibi non semel. Sigefridum Moguntinum Episc. Epist. 5. Bedam in Vita S. Cuthberti Episc. n. 2. in Vita S. Cuthburgæ in Proœm. in Gestis Innocentii III. PP. pag. 70. etc.

les Bénédictins de St. Maur, 1733–1736.

◊ Ita honoris causa Sigericum Archiepiscopum appellat Ælfricus in variis præfationibus operum quæ ad ipsum dirigit. Apud Hunfredum Wanleium de Antiq. Litteratura Septent. pag. 153 :

Precor modo obnixe Almitatem tuam, mitissime Pater Sigerice.

Pag. 156 :

Fateor Almitati tuæ, Domine venerabilis.

Utitur ibidem passim Ælfricus titulis

Sanctitatis, Dignitatis, Benignitatis

, etc. Hincque patet pro Sanctitate, Almitatem non fuisse semper usurpatam. Illud inde magis patet quod etiam Regibus datus sit hic honoris titulus. Vita S. Mathildis jussu Henrici Regis scripta in Prologo Act. SS. Maii tom. 2. pag. 158. E :

Gratias agimus vestræ Almitati vobis placuisse hoc opus.

Reges hac usi sunt voce cum Optimatibus regni tum ecclesiasticis tum sæcularibus, uti videre est in Præcepto Karoli Magni pro quodam Joanne, qui Sarracenos debellaverat, apud Balluz. tom. 2. Capitularium Regum Franc. col. 1400 :

Notum sit omnibus Episcopis, Abbatibus, Ducibus, Comitibus, etc. lgitur cognoscat Almitas vestra, qualiter Johanne ad nos veniente et ostendit nobis epistolam, etc.