ALMUNIA, Glossarium mediae et infimae latinitatis, Du Cange et al.

« Almunia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 193b. http://ducange.enc.sorbonne.fr/ALMUNIA

ALMUNIA, Prædii rustici species apud Hispanos. Charta Sanctii Regis Aragonum æræ 1132. apud Martinezium in Hist. Pinnatensi lib. 3. cap. 9 :

Concedo prædicto Cœnobio,... illam meam Almuniam, vocatam Daymus, quæ afrontat ex una parte cum Torredellas, etc.

Alia Alfonsi VI. Regis æræ 1133. apud Anton. de Yepez in Chronico Ord. S. Benedicti tom. 6 :

In quo loco incipit alia via, per quam descendunt usque in viam publicam super Almuniam Regis, etc.

Observantiæ Regni Aragon. lib. 5. tit. de Jure dotium, § 4 :

Tamen si Miles vel Infantio habent unam Almuniam vel turrim, censetur una hæreditas cum toto hæreditamento adjuncto illi Almuniæ, vel turri.

Adde Colmenarezium in Hist. Segobiensi cap. 16. § 4.

les Bénédictins de St. Maur, 1733–1736.

◊ In his tribus exemplis, excepto forte postremo, per Almunia intelligi potest hortus, ut intelligendus est dubio procul in sequentibus ; Testamentum I. Adephonsi Regis Hispaniæ apud Marten. tom. 1. Collect. Ampliss. col. 546. C :

Et ut hi qui in eadem Ecclesia suprascripta permanserint, supplementum aliquod victui habere possint, offero illis villam unam nomine Hukeka, et unam Almuniam, quam nos Latine vocamus Ortum, qui est prope illam Ecclesiam S. Servandi.

Et in Archivo S. Victoris Massiliensis armar. Hispan. n. 115 :

Almunia Regis, quam nos Latine vocamus Ortum.

Lusitanis Almuinha. Conf. S. Rosa de Viterbo Elucidarii tom. 1. pag. 102. et Appendic. pag. 7. A verbo latino Alimonia originem trahere hanc vocem scribit et exemplis multis e documentis Lusitan. adductis firmare conatur, ea non tantum hortum, sed quodvis prædium haud longe ab urbe situm, significari.