ALPHINUS, Glossarium mediae et infimae latinitatis, Du Cange et al.

« Alphinus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 200c. http://ducange.enc.sorbonne.fr/ALPHINUS

ALPHINUS, in ludo scacorum, persona, quam nostri le Fol vocant, Itali Alfino. Alanus in Parabolis :

Sic inter schachos Alphinus inutilis extat,
Inter aves bubo, etc.

Pseudo-Ovidius lib. de Vetula, ubi de scacorum ludo :

Sex species saltus exercent, sex quoque Scaci :
Miles et Alpinus, Roccus, Rex, Virgo, Pedesque.

Infra :

Oblique salit Alphinus, etc.

P. Carpentier, 1766.

◊ Alphilis dicitur in Gloss. MSS. Twingeri. Nostri vero Aufin vel Auphin nuncuparunt. Le Roman d'Alexandre MS. part. 2 :

Roy, fierce, chevalier, auffin, roc et cornu,
Furent fet de saphir, et si ot or molu.

Miracula B. M. V. MSS. lib. 2 :

Ne ja n'ara peon, n'Aufin,
Roi, chevalier, fierge, ne roc, etc.

Poema Vetulæ Gall. :

Roi, roc, chevalier et Auphin,
Fierge et peon, etc.

Cujus vocis originem Sponius in notis ad Hist. Genev. pag. 406. recte prorsus arcessit a nomine Al-Phil, id est, elephas, quo hanc personam appellabant Orientales ; unde nostri tandem fil et fol dixerunt.