![[]](img/image.png)
7. ALTARE, Basis Phylacteriorum, seu capsellarum, in quibus reconduntur reliquiæ. Vetus
Scheda apud Brouverum lib. 8. Annal. Trevirensium num. 114 :
Capsam auream cum Altari supposito, innitentem 4. columnis argenteis, et aliam item capsulam modicam altari superpositam, etc.Ademarus Cabanensis tom. 2. Bibl. Labbei pag. 272 :
Idem Josbertus iconem auream S. Martialis fecit, sedentem super Altare, et manu dextra populum benedicentem, etc.Hist. Episcop. et Comitum Engolismensium cap. 35 :
Duas tabulas eburneas cum argento, duplex argenteum Psalterium, duo Altaria argentea, et in fine suo thuribulum argenteum.