AMBRO. Gloss. Isid. : Ambro, devorator, consumptor, patrimoniorum decoctor, luxuriosus, profusus. Joan. de Janua : Ambro, leccator, lurco, manducus, ardelio, ganeo. Sed interest : Ambro dicitur ille, qui bene scit judicare de sapore ciborum, et libenter gustat bene saporata : lurco dicitur ille, qui gulose et immunde omnia devorat, etc. Gildas de Excidio Britann. :

Illi primores inimici ac si Ambrones lupi profunda fame rabidi.

Galfridus Monemuthensis lib. 5. cap. 4 :

Prosternite viri obstantes Ambrones, prosternite.

Adde lib. 5. cap. 6. lib. 6. cap. 3. Althelmus de Octo principalib. vitiis cap. 1 :

Dum vetitum ligni malum decerperet Ambro.

Idem cap. 5. de Virg. :

Ambronibus et lurconibus vetitam degustans alimoniam.

Adde Epist. 1. Bonifac. Mogunt. Festum Pompeium, et Cluverium lib. 2. Germ. Antiq. cap. 4. etc. Vide Forcell. in voce Ambrones, ibique Festum, unde fluxerunt quæ habet Placidus apud Maium pag. 436.