« »
 
AMBRA 2, AMBRUM 1, AMBRUM 2.
[]« 2 ambra » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 219a. http://ducange.enc.sorbonne.fr/AMBRA2
2. AMBRA, Ambrum, Amber, Anglo-Saxonibus, Vasis vinarii genus, vel mensura : ex Latino amphora, ut videtur, deducto vocabulo. Leges Inæ Regis Westsax. tit. 74. apud Brompton. :
12. Ambræ cervisiæ Waliscæ.... 10. plena Ambra butyri.
Ap. Wilk. tit. 70 : twelf Ambra. Nominativus est Amber, Germanis hodie Eimer. De origine vocis vide Grimmii Gramm. vol. 3. pag. 456. et Graffii Thesaur. Franc. vol. 3. col. 148. Leges Adelstani Regis apud eundem tit. 3 :
De duabus meis firmis dent eis singulis mensibus Ambra plena farinæ.
Concil. Greatanl. Præf. § 1. Liber Evidentiarum Eccl. Christi Cantuariensis :
Et reddere debet 120. mensuras, quas Angli dicunt Ambres, de sale.
Tabularium Parthenonis SS. Trinit. Cadom. fol. 23 :
In Eskenevilla..... iii. Villanos et dimidium, et reddunt..... ii. gallinas de pullagio... et xiii. bordarios, qui dant... i. modium salis et ii. Ambros de salinis ejusdem villæ.
Cujus vero quantitatis fuerit amphora, pluribus tradunt Lambardus et Spelmannus. Nescio, an amphora apud Will. Thorn. pag. 1804. lin. penult. sit idem, quod Ambra. Vide Ambar.
© École des chartes.
[]« 1 ambrum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 219b. http://ducange.enc.sorbonne.fr/AMBRUM1
1. AMBRUM, Electrum ; succinum. Gall. Ambre. Hist. Dalphin. tom. 2. pag. 275 :
Pro pectinibus sex et speculis 6. et duobus filis de pater nostris de Ambro, et duobus filis de pater nostris de curallo, etc.
Vocis originem accersendam vult Skinnerus in Lexico Etymol. ad vocem Amber non ab Arabico Anbar quod idem sonat, sed a Belgico Aen-Bernen, Adurere, quasi diceretur lapis ustilis ; licet enim soliditate sua lapis videatur, igni tamen admotum accenditur, etc. Quo nomine bitumen istud nobile, inquit, teste Francisco Guicc. in Belg. hodie Bern-steen accolis maris Balthici appellatur.[] Hoc autem momento præcipue ducitur eruditus Vir, quod succina non in Arabicis, sed in Germanicis maribus inveniantur, unde et in Asiam aliasque Orientales plagas per commercium distrahuntur. Quidquid sit Ambar, Ambra, etc. non nisi post Latinitatem corruentem usurpari cœperunt. Adeas ipsum Skinnerum in Lexico supra laudato. Vide Ambar, et Ambre.
P. Carpentier, 1766.
◊ Verosimilius tamen D. Falconet videtur succino, quod Arabibus vocatur Karabé, Ambrum nomen inditum fuisse ex similitudine bituminis illius cum altero, quod Arabes appellaverant Anbar.
© École des chartes.
[]« 2 ambrum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 219c. http://ducange.enc.sorbonne.fr/AMBRUM2
2. AMBRUM, Species vasis. Vide Ambra 2.
© École des chartes.