AMMINICULUM Vitis, quasi Adminiculum, paxillus, pedamentum, palus, cui vitis innititur. Lex Longob. lib. 1. tit. 25. § 34 : Roth. 297.

Si quis vitem exspoliaverit, id est, Amminicula tulerit.

Rufinus in Præfat. in lib. Judæ :

Ἕλιϰα vitem dicunt Græci, non tam palmitem, quam illos runcinulos vel cincinnulos palmitis, quibus succrescens palmes ipse, innectere et suspendere solet, vel palis, vel quibuscumque innititur Amminiculis, quos capreolos, ut arbitror, appellant agricolæ, cujus nexibus tutus, et sine lapsus periculo, vel gravatur fructibus palmes, vel vaga proceritate distenditur.

Vide Forcell. Lexic. in voce Adminiculum.