2. AMPLUM, Idem videtur quod Novale, Ager, qui de novo in cultum redigitur, sicque ab usu publico sequestratur. Correct. stat. Cadubrii cap. 80 :

Sancimus quod aliqua persona, cujuscumque conditionis existat, non audeat neque præsumat facere, nec fieri facere aliqua Ampla aut novallia, sine expressa licentia regulæ, in quam dicta Ampla aut novallia facienda posita essent. Et si aliqua novallia aut Ampla fuissent facta in damnum et præjudicium alicujus regulæ, et sine ejus expressa licentia, quod non intelligantur esse Ampla neque novallia, et quilibet de regula possit et valeat pasculare et pasculari facere in talibus locis licite et impune ; quæ Ampla et novallia, ut supra, nullatenus fieri possint sub pœna librarum viginti quinque Pap. et Ampla ipsa et novallia sint in correctione officialium et maricorum.

Vocis origo ab Ampliare, quia sic cultura ampliatur.