ANCILE, Scutum quadrum, in Glossario Aniciensi MS. annorum circiter 700. Ancile vel Ansile, scuti bucula intus, quæ ab intus tenetur, in Gloss. Isid. At lib. 18. Orig. cap. 12. Ancile vocat

scutum breve et rotundum

, illudque dictum ait ab Ancisione, quod sit ab omni parte veluti ancisum et rotundum ; ac tandem illud refert ex Ovidio Fast. 3. 376 :

Idque Ancile vocat, quod ab omni parte recisum,

Quaque notes oculis, angulus omnis abest.

Vocem Latinis notam hinc amandassem, si Glossatorum nostrorum una fuisset interpretatio. Non memorabo fabulam de ancilibus e cœlo lapsis : hanc, si cupis, videre potes apud Dionysium Halicarn. Ovidium, etc.