ANCONA, Imago, a Græco εἰϰών, idem quod Icona. Vide in hac voce. Testam. Joan. Franc. de Gonzaga Mantuæ march. ann. 1444. tom. 3. Cod. Ital. diplom. col. 1780 :

Item volo et jubeo quod... de bonis meis fabricetur una capella... quæ capella fulciatur apparamentis, missali, Ancona et aliis necessariis.

Infra :

Unum missale, una Ancona, et unus calix.

Haud dubie imago Crucifixi, quod necessarium est capellæ ornamentum. Ancone, eadem notione, apud Villeharduin. cap. 119 :

Une Ancone, que l'empereor Morchuflex faisoit porter devant lui,... en cele Ancone ere nostre Dame formee. Anssite,

eodem sensu, in Testam. ann. 1401. tom. 2. Probat. Hist. Brit. col. 720 :

Laissons... nos patenottres noires, queulx sont bien usé avec notre glandure d'or, ouquel il y a une Anssite de Notre Dame.