ANDARE, Glossarium mediae et infimae latinitatis, Du Cange et al.

« Andare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 244b. http://ducange.enc.sorbonne.fr/ANDARE

ANDARE, Vox Italica et Hispanica, Ire, proficisci, ambulare, pergere. Charta Adelfonsi Imp. æræ 1160. apud Oyenartum in Notit. Vascon. :

Similiter dono vobis lignare, et taylliare, et pascuere in illos montes... in circuitu de Sangossa, quantum potueritis in uno die Andare et tornare.

Albertus Stadensis ann. 1179 :

Data sententia, (a summo Pontifice) volenti loqui deposito non est data audientia, sed hostiarii clamabant : Levate, Andate.

Ubi perperam Editum audate. Vide Gloss. Ital. V. Cl. Ægidii Menagii, qui multa de origine hujus vocis habet. Andare vox Francica est, ab obsoleto Anden, ire. Undota, ibat. Gloss. Pez. Hinc habemus frequentativa Wandeln et Wandern. Adel.

Andamentum, Tributum pro transitu. Charta Raimundi Trencavelli filii B. Trencavelli Vicecomitis Bitterrensis, ann. 1211. in Regesto 30. Chartophylacii Regii litt. 2 :

In castellis et villis, in forciis et bastidis,... in terris et vineis... in ludis et pedagiis, in argentifodinis et ferrifodinis, in foriscapiis et Andamentis, in heremis locis et condrictis, etc.