« »
 
[]« Andata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 244b. http://ducange.enc.sorbonne.fr/ANDATA
ANDATA, Italis Andata, Hispanis Andadura, Iter. Charta ann. 1320 :
Et francisiam eundi, veniendi, et standi seu mittendi in aliquibus exercitibus, itineribus, cavalcatis, succursibus, vel Andatis, qui et quæ fient, vel fieri contigerint, etc.
◊ Est alius ejusdem vocis sensus ; cum scilicet accipitur pro incursione vel expeditione militari, ut in Chron. Parmensi ad ann. 1296. apud Murat. [] tom. 9. col. 836 :
Bononienses redeundo de quadam Andata, quam fecerant in districtu Mutinæ contra Marchionem, præliati fuerunt castrum Savignani dictrictus Mutinæ et ipsum per fortiam habuerunt.
Anditus vel Andita, Italis Andito, Via, aditus, platea. Charta Alphani Archiep. Salernitani apud Ughellum :
De plateis, et Anditis et viis suis.
Adde tom. 8. pag. 78. 659. Charta Roberti Siciliæ Regis ann. 1321. apud Waddingum tom. 3. in Regesto pag. 126 :
Domus seu apothecæ... sitæ in civitate Neapolis in platea portus, intus Anditus, seu transendam communem.
Infra :
Intus transendam et Anditum communem.
Perperam ibi scribitur Anditus. Præceptum Pandulphi IV. Principis Capuæ apud Muratorium tom. 2. pag. 309 :
Cum montibus et collibus, territoriis cultis et incultis, biis (viis) et Anditis et semitis, etc.
P. Carpentier, 1766.
◊ Stat. Montis-regal. pag. 6 :
Item statutum est quod dom. vicarius, in virtute per eum præstiti sacramenti, non possit vel debeat, etiamsi ad hoc esset electus, ire extra districtum civitatis Montis-regalis in aliqua Andata vel ambasciata, etc.
Stat. Vercel. lib. 1. pag. 2. v° :
Quæ emenda fiat, facta prius legitima probatione, dicti equi mortui vel mangagnati in dicto exercitu vel Andata.
© École des chartes.