Ancinga, Eadem notione. Tabularium Eccles. Augustod. :

Mansum ingenuile 1. qui solvit mense Martio sol. 2... facit corvadam et Ancingiam, facit quinzinas in opere, etc.

Infra :

Seminat de frumento indominicato in Ancingia mod. 1. trahit fimum carr. 5. in Ancingia si est pull. 3. ipso termino.

Necrolog. antiquum Autissiod. :

Obiit Gislandus Presbyter, qui cum fratre suo... dederunt... de vineis arpennes viij. de terris Ancingas sex.

Charta Chrodegangi Episcopi Metensis ann. 765. apud Meuriss. in Hist. Episcop. Metensium pag. 168 :

Ad terram indominicatam pertinent quatuor mansi cum Ancingis suis.

Alia apud Perardum pag. 161 :

Invenimus ibi manso indominicato, aspiciunt ibi Ancingas 100.... est ibi pratus indominicatus, aspiciunt ibi Ancingas 600... et solvent carra 5. de fenis, dominico, et facient Ancingas et corvadas, et sovincta, et airbanno solidos 2. et denarios 8. etc.

Hinc Pertica Ancingalis, in Chronico. S. Benigni. pag. 422 :

Dedit Episcopus juxta murum castelli aream, habentem in longo perticas Ancingales novem, et per latum perticas octo.

Idem Chronicon ann. 919 :

Emit pratum unum, habens in longum Perticas Ancingales 65. et in latum perticas 32.

quo postremo loco monet Editor, in aliis MSS. legi Andecingales, quod idem est.

Ancinia. Precaria Bertfredi Abb. Melundensis apud Mabill. tom. 2. Annal. Benedict. pag. 722 :

Condonavimus ad Monasterium Melundense S. Petri Ancinias scilicet duas de vinea et quatuor arabiles.

Anzinga. Charta Benedicti seu Bennonis Episcopi Metensis, apud Meurissium pag. 300 :

De terris arabilibus Anzingas septem et jornale unum de vineis, etc.

Infra :

De silva minuta Anzingam unam.

Charta Karlomanni Regis ann. 881. in Tabulario Benigniano apud Perardum pag. 158 :

Quod dederit prædictus Episcopus Baldrico paginam terræ ex rebus S. Aniani cum farinario, continentem in se Azingas duas, et quartam partem unius jornalis, etc. Et in alio loco, in Apsa villa, Anzingam unam et quartam partem alterius, etc.

Alia ann. 907. apud eumdem pag. 55 :

Concessimus... de terra adjacente in longo perticas legitimas Anzingales 8. et in transverso 2.

Accingia. Charta Adami Vicecomitis Meldunensis, in Tabul. S. Victoris Paris. Ch. 10 :

Simon Miles de Grangis dedit... medietatem decimæ ejusdem villæ, et unam Accingiam prati, et unum arpentum terræ.

Accengia, Encengia. Charta ann. 1263. in M. Pastorali Ecclesiæ Paris. lib. 2. Ch. 119 :

De septem quarteriis terræ, de quibus una Accengia sita est in censiva Petri Pavonis.

In Charta præcedenti ann. 1255 :

Nobis dedit et concessit... videlicet Encengiam unam in censiva Petri Pavonis... et unum quarterium vineæ, etc.

Tabular S. Victoris Paris. Ch. 10 :

Scilicet medietatem totius decimæ ejusdem villæ, et unam Accingiam prati, et unum arpentum terræ.

Ascingia, Aucenga. Tabul. N. D. de Campis :

Duos arpennos pratorum, qui fuerant de feodo Hugonis de Badul, et ejusdem feodi duas terræ Ascingias, etc.

Alibi :

Ita quod monachi pro notitia prædictæ terræ unam Aucengam prædictæ terræ laborarent.

Anceingia. Necrologium Eccl. Parisiensis 3. Non. Decem. :

Dedit... 30. sol. annui census... super unam Anceingiam tam terræ, quam vineæ, etc.

Vetus Scheda Luxoviensis edita in Operibus S. Columbani pag. 335 :

Similiter et decimas... fiscaliæ, marescaciæ, brolii, Ancingiarum, et decimum... omnium animalium.

Nicolaus le Maistre lib. 3. de Bonis Ecclesiarum cap. 6. ait, Andecingas nihil esse aliud, quam certum aratoriæ operæ pensum, quod villani, seu coloni dominis persolvunt, Gallis Corvée, nuncupatum. Sed ex allatis perspicue patet, Andecingam et Ancingam modum ac mensuram agri fuisse certo perticarum numero constantem : tametsi non diffitear, facere andecingam vel acingiam, in Lege Bajuvariorum, et in Tabulario Augustod. esse corvatæ speciem, cujus ratione tenebantur servi ac coloni ad certum agri modum colendum, arandum, ac metendum.