ANGILDUM, Simplex gildum, aut Weregildum, seu simplex valor hominis vel rei alicujus, compensatio pro simplice rei vel hominis æstimatione ; ex Saxonico an, una, et gild, solutio, pretium, compensatio ; ut twigildum, compensatio duplex : trigildum, compensatio triplex, etc. Leges Inæ Regis cap. 24. apud Bromptonum in Saxon. 22. :

Si tuus Genereat, id est, colonus, vel villanus furatus fuerit et amittas eum, si habeas plegium, admoneas eum de Angildo : si tu non habeas, redde tu Angildum, et non sit ei in Aliquo remissius.

Adde leges Alvredi cap. 7. 11. in Saxon. 6. et 9. § 1. Vide Gildum.