ANNUITAS, Annuus reditus, pensio alicui, vel in perpetuum, vel ad tempus præstitutum, concessa, cujus solutione liberum tenementum non oneratur, inquit Joan. Cowellus. Monasticum Anglic. tom. 2. pag. 375. 376 : .....

Habenda et tenenda in feodo simplici de capitalibus dominis, per servitia consueta.... solvendo Annuitates prædictas

. Adde tom. 3. pag. 22. Charta Thomæ Archiep. Eboracensis :

Annuitatem sive pensionem annuam centum solidorum sterlingorum, etc.

Infra :

Ac de Annuitate, sive de annua pensione hujusmodi, etc. Annuity,

Angli dicunt. Brief de Annuitie, apud Littleton. sect. 219. Breve Annuitatis, quo creditor debitorem convenit, cum pensionem annuam constitutæ pecuniæ percipere non potest. Vide Rastallum.