ANTHEROPSITA. Anastasius Bibl. in Stephano II. PP :

Præcedens in Letania cum sacratissima imagine Domini Dei et Salvatoris nostri J. C. quæ Antheropsita nuncupatur.

Sed ibi legendum Acheropita, recte conjectat Editor, vel Acheropœta, ut in Hierolexico Macri. intelligitur enim imago J. C. ἀχειροποιητός, de qua copiose Gretzerus lib. de Imaginibus non manufactis, et Andreas Vitorellus de Capella Borghesia parte 6. cap. 1. et seqq. Adnotat doctissimus Murator. tom. 3. pag. 166. col. 2. in uno Codice legi Acheroposita, quod favet Cangii conjecturæ, et in altero Ancheropsita.