APELLIDUM, Hisp. Apellido, Submonitio, seu convocatio populorum ad vindicanda maleficia. Charta ann. 1096. tom. 1. Probat. Hist. geneal. domus reg. Portugal. pag. 3 :

Illos burgeses tam longe vadant in Apellido, quomodo in ipso die possint revertere in domos suas.

Alia Aldefonsi reg. Castel. ann. 1181. apud Baluz. in Hist. Tutel. col. 494 :

Concedo etiam vobis ut habitatores de Fornellos et de Orbanella, si eam populaveritis, nunquam pergant in fossadum nec in Apellidum.

Vide Appellitum.