![[]](img/image.png)
APOTHECA, Officina, unde Itali Botegha, Galli Boutique ; Locus ubi merces
aliæve res asservantur, et reconduntur, horreum. Gloss. S. Benedicti, cap. de
Habitatione :
ex Archivo S. Victoris
Massil.
Vide Haltausii Glossar. German. col.
1128. voce Kram.
Horreum, ἔνδοχον ϰαὶ ἀποθήϰη.Vide Isidori Orig. lib. 5. cap. 5. sect. 8. Hariulfus lib. 3. cap. 1 :
Ipsas partes intulerunt in Apothecam cujusdam custodiendam.Hugo Falcandus :
Multi Sarracenorum, qui in Apothecis suis mercibus vendendis præerant.Vide Constitut. Sicul. lib. 3. tit. 34. § 3. Apothecæ vini, apud Evodium lib. 2. de Miracul. S. Steph. cap. 3. Apotheca Regia tom. 2. Operum S. Bernardi col. 1346. B. edit. 1690. ubi de canonizatione ejusdem S. Doctoris. Apotheca barberiæ, pro Officina tonsoria, in Charta anni 1450.
![[]](img/image.png)
Potheca, et Apotheca, in Chartis Italicis apud Ughellum tom. 7. Ital. sacr. pag.
400. 404. 410. 417.
Apothecar, pro Apotheca. Fortunatus Epist. ad Syagrium Epis. Augustod. :
Unde luctus et merces, et unus rigans oculis, alter bibens auribus, quod iste torcular et in fletu, ille Apothecar et in fructu.Non erat hic scribendum Torcular et, Apothecar et, divisis vocibus, sed Torcularet atque Apothecaret a verbis Barbaro-Lat. Torculare et Apothecare. Est autem Apothecare Fortunato, in apotheca seu horreo recondere.
Botica, ex Hispanico Botica, in Concilio Palentino ann. 1388. cap. 5.
Hypotheca, in Concilio Monspeliensi ann. 1258. cap. 9 :
Operationem scil. sive mensem, Hypothecam, vel similia pro vendendis mercibus tenentes.
P. , 1766.
Apotheca notarii, in Lit. remiss. ann. 1381. ex Reg. 119. Chartoph. reg. ch. 435 :
Propter quod idem exponens(notarius publicus)dictum contractum receptum rediens ad Apothecam suam, ubi scribere et contractus recipere consuevit.